Mwen te fèt nan vil Gonayv nan ane 1958. Se konsa mwen te abitye ak anpil enstitisyon relijye yo; prezans mwen nan mitan yo se te tou senpleman yon obligasyon sosyal. Yon fwa'm te rive nan Peyi Etazini nan lane 1993, twa evènman ta bay lavi m yon lòt dirèksyon. Mwen vle pale de 2 rèv ak yon emisyon radyo. Dabò, mwen te wè syèl la louvri ak Pitit gason Bondye a, ki te antoure pa yon gwo niaj, ap desann. Yon lòt fwa, mwen tande yon vwa ki ban'm sa pou nou fè nan Saba a.
Epi, pou'm fini, se te radyodifizyon de yon konpatriyòt mwen ki deklare'l Izrayelit. Evidamman, koulyè a, pawòl saba a se te chwal batay mwen. Fòk mwen di tou ke mwen te vinn bon zanmi ak radiomen an. Nou te viv kòm 2 frè ki soti nan menm zantray anplis de sa nou te genyen menm fwa. Malerezman, lyen sa pat dire; nouta menm di li genyen menm sò yon woz, paske, mwen fenk bat zyem, zanmi an te chwazi pou'l pran chemen Sayil la (Samyèl 15:22-27). Dosye sila li nan men Gran Mèt la ki toujou prèt pou padone brebi egare yo.
Kanta desann Kris la, se yon eksperyans mwen ta vle fè je klè.
Mwen pa kapab di mwen konnen sak fè kèk zanmi mwen gen pèfòmans yo nan Sians, kèk lòt nan zafè atistik, kanta mwen se nan sonde ekriti biblik ke mwen wè konpetans mwen. Bib la mwen konnen byen, gras a Grand Mèt. Se sak fè mwen santi'm klè lè map presente ou "Nou Izrayelit Yo". Mwen pa pè pou'm deklare san profane ke si pitit Bondye a se piè angilè legliz , bib la se piè angilè wèb syt sila.(Izayi 8:20)
Mwe pap etone ke kèk pawòl va bay anpil moun labil, choke yo. E yo prèt a kanpe an kwa pou yo konbat sa mwen revele yo. A tout refraktè sa yo, mwen gen yon sèl repons " Se sa bib la revele mwen" Dayè mwen vle konfese ke mwen menm tou te gen sipriz pa mwen lè mwen dekouvri kèk revelasyon. Sa mwen ka di alò ke se an nwa e blan mwen lil nan bib la. Diskisyon vini la! Mwen ta vle siyale pou ou ke mwen pat kontante'm fouye bib la sèlman ... Mwen souete Gran Mèt la ap akonpaye ou nan ti vwayaj sila ak nou.
Mwen te fèt nan vil Gonayv nan ane 1958. Se konsa mwen te abitye ak anpil enstitisyon relijye yo; prezans mwen nan mitan yo se te tou senpleman yon obligasyon sosyal. Yon fwa'm te rive nan Peyi Etazini nan lane 1993, twa evènman ta bay lavi m yon lòt dirèksyon. Mwen vle pale de 2 rèv ak yon emisyon radyo.