"Nou ki gen souch nou nan tribi Levi-a kwè ke nou dwe pataje ak ou Liv Enòk yo. Men avan tou, fòk nou konfese-w anpil lakontantman nou genyen lè noumenm nap li'l. Men kontantman sa-a te makonnen ak kè sere; kè sere sila soti lè nou konstate ekriti sa yo pat alapòte majè pati de moun ki sou tè-a. Sak pi rèd sè ke nou pa genyen'l nan lang kreyòl. Degaje ou kon mèt JanJak pou ou ka pran yon ti lòziè nan lang franse a oubyen angle a.

Kòm entrodiksyon, nou te vle siyale yon remark ke yon lèktè fè :
" Yonn nan maniskri ke yo twouve nan LAN MÈ MÒT LA, dokiman Damaskis la, mansyone ke Jibile Moyiz yo revele sekrè Grand Mèt la..."
Nou pa gen dout ke wap satisfè ak dekouvèt sila. Nou kwè tou ke ou pap ezite pataje'l ak zanmi, konèsans ou yo. Nou souete Gran Mèt la ap toujou ak ou.